O Bastión de los Pescadores (en hongaro Halászbástya) ye una terraza d'estilo neogotico y neorromanico situata en a orilla de Buda d'o Danubio, en o tozal d'o castiello reyal de Budapest, Hongría, amán d'a ilesia de Matías.
Se diseñó y construyó entre 1895 y 1902 seguntes os plans de Frigyes Schulek. As siet torres representan as siet tribus hongaras que s'establioron en a cuenca carpatiana en l'anyo 896. Recibe o nombre d'a colla de pescataires responsable d'esfender iste enclau d'as murallas d'a ciudat en a Edat Meya. Se tracta de un mirador con a-saber-las escaleras y corredors.
Entre o Bastión y a ilesia de Matías se troba una estatua de bronze d'Esteban I d'Hongría a caballo, debantata en 1906. O pedestal fue construyito por Alajos Stróbl, basando-se en o prochecto de Frigyes Schulek en estilo neorromanico y con episodios que ilustran a vida d'o rei.
Hue a obra nomás tien función decorativa. Dende astí os toristas pueden tener una sobrebuena anvista de Pest.