O campo de concentración de Dachau (en alemán Konzentrationslager (KZ) Dachau, pronunciato [ˈdaxaʊ]) estió o primer campo de concentración nazi ubierto en Alemanya, situato en os terrenos d'una antiga fabrica de munición amán d'a villa medieval de Dachau, a 16 km a o norueste de Múnich en o estato de Bavera, que se troba situato a o sud d'Alemanya. Ubierto o 22 de marzo de 1933, estió o primer campo de concentración regular establito por a coalición de gubierno d'o Partito Nacional Socialista (Partito Nazi) y o Partito Nacional d'o Pueblo Alemán (disuelto o 6 de chulio de 1933). Heinrich Himmler, alavez chefe d'a policía de Múnich, describió oficialment o campo como "o primer campo de concentración ta prisioners politicos."