O castiello de Ludwigsburg ye un castiello situato en Ludwigsburg, en o estato de Baden-Wurtemberg en Alemanya, que ye considerato como una d'as mas grans residencias d’Europa devantatas en estilo barroco.
O castiello se construyó d'alcuerdo con a comanda d'o duque Eberhard-Loís de Wurtemberg (qui reinó dende 1693 dica 1733 en o reino de Wurtemberg), y tien quatre alas.
A construcción d'o castiello se fació entre 1704 y 1733, estando os arquitectos directors d'a obra Johann Friedrich Nette y Donato Giuseppe Frisoni. Cal fer constar que, alazetalment, Eberhard Loís nomás miraba de devantar-ie un pavellón de cazata, pero o suyo distanciamieno con a suya muller y o feito de que preferise vivir chunto con a suya aimant luent d'a corte facioron que reconsiderase a suya decisión.
Dende ixas envueltas, mientres tota a segunda metat d'o sieglo XVIII y o sieglo XIX y dica que en 1918 s'esboldregó o Imperio alemán, o castiello esdevenió a prencipal residencia reyal d'o reino de Wurtemberg.