.
L'Estadio Panathinaiko (en griego: Παναθηναϊκό στάδιο) anomenato tamién Kallimarmaro, ye un estadio d'atletismo situato en Atenas (Grecia), construito íntegrament con marbre blanco d'o Monte Pentelico.
Ye en o centro d'Atenas, en a carrera Vasileos Konstantinou, en o mesmo puesto que l'antigo estadio a on es feban as competicions d'os antigos Chuegos Panatenaicos.
Estió construito en 1895 ta fer os I Chuegos Olimpicos d'a era muderna, en ista epoca as pistas d'atletismo no teneban encara medidas estantardarizatas y tién a forma d'os estadios de l'antiga Grecia con una cuerda de 333 metros de forma ovalada y 70.000 espectadors.
Estió o estadio prencipal a on es facioron as pruebas d'os Chuegos Olimpicos d'Atenas 1896, a ceremonia inagural y l'arribada d'a maratón d'os Campionatos d'Europa d'Atletismo, o tiro con arco y l'arribada d'a maratón d'os Chuegos Olimpicos de 2004. Tambien ye utilizato ocasionalment ta fer conciertos de mosica y recepcions ta os esportistas griegos que ganan campionatos importants.
.