A Gran Muralla Chinesa u Gran Muralla China (en chinés 长城, Pinyin Chángchéng), conoxita en China como a Gran Muralla de 10.000 Li, ye un antigo conchunto de fortificazions e murallas de piedra e tierra construyitas ta protecher á China d'os ataques d'as tribus mongolas e turcas. Prenzipió á construyir-se en o sieglo III aC, encara que as fortificazions que se beyen autualment son as construyitas entre o sieglo XIV e o prenzipio d'o sieglo XVI, mientres d'a dinastía Ming.