Os Monts Azuls (en anglés Blue Mountains) ye una rechión de montanyas de Nueva Galas d'o Sud en Australia. Ista rechión muga con l'aria metropolitana de Sydney. Oficialment as suyas mugas son os ríos Nepean y Hawkesbury, a l'este, y o río Coxs y o laco Burragorang, a l'ueste y o sud, mientres que a o norte muga con o río Wolgan y o río Colo. Cheolochicament ye situada en a parti central d'a Cuenca de Sydney.
Quan os europeus plegoron a la zona d'os Monts Azuls os aborichens ya las heban habitau dende feba milenios por a etnia gandangara y os darug.
Bi ha un gran numero de picos d'arredol de 1.000 metros d'altaria. O punto mas alto, un pico sin denominación, tien 1.189 metros.