O Palacio Belvedere (en alemán Schloss Belvedere) ye un palacio d'estilo barroco situato en a calle Prinz-Eugen-Straße 27 de Viena (Austria).
O conchunto artistico consta d'os dos palacios Belvedere (alto y baixo), convertitos en museu, y d'atro dito Schwarzenberg, transformato en hotel. Os dos palacios prencipales son unitos por uns chardins que se troban dividitos en tres nivels que representan quantas alegorías.
Os museos que se i troban son:
En o Belvedere se puet veyer una impresionant colección de pinturas imperials. En o piso superior se troba a galería austriaca d'os sieglos XIX y XX que, entre atras, amostra a conoixita obra de Gustav Klimt, O Pochón.
O palacio se construyó entre 1714 y 1723 ta o prencipe Uchenio de Saboya dimpués d'a redota d'os turcos otomans. O palacio Belvedere fue disenyato por Johann Lukas von Hildebrandt. A ideya d'a construcción yera un recinto ta fer borinas y asinas aumentar a popularidat d'o prencipe. Dimpués d'a muerte d'o prencipe Uchenio, o palacio fue mercato por a emperatriz María Tresa.
O tractato d'Estato austriaco se sinyó en o Belvedere o 15 de mayo de 1955, lo que significó ta Austria a independencia dimpués d'a Segunda Guerra Mundial, dimpués d'alto u baixo diez anyos d'ocupación d'os aliatos.
Ta plegar en os Palacios Belvedere s'ha de prener o Metro de Viena. A parada mas amanata ye a "Südtiroler Platz" (U1) pero tamién se puet baixar en as paradas "Taubstummengasse" (U1) y "Karlsplatz" (U1,U2 (fin d'a linia U2) y U4), que tamién son prou amán.